"Oltin to'p" uchun ovoz berishda "Barselona" yarim himoyachisi Pedri 11-o'rinni egalladi. "Ko'k-anorranglilar"ning yosh futbolchisi undan yuqoriroqda bo'lishi kutilgandi. Seshanba kungi matbuot anjumanida Pedri o'z natijasiga izoh berdi.

"Klub va terma jamoada meni qadrlashlarini his qilyapman. Bu eng muhimi. Muxlislarning qo'llab-quvvatlashi va mehrini saqlab qolaman," - dedi Pedri jurnalistlarga.

"Barselona" hozirda Chempionlar Ligasi doirasidagi "PSJ"ga qarshi uy uchrashuviga tayyorgarlik ko'rmoqda. Jamoalar 1 oktyabr, chorshanba kuni maydonga tushadi.