"Barselona" sport direktori Deku "Manchester Yunayted"dan vinger Markus Reshfordni ijaraga olish bo'yicha kelishuv tafsilotlariga izoh berdi.

"Biz Markus bilan sotib olish imkoniyati bilan oddiy ijara shartnomasini imzoladik. Sotib olish summasi yuqori emas.

Agar u bilan doimiy shartnoma imzolamasak, jarima sanktsiyalari bo'lmaydi. U ajoyib o'ynamoqda, biz juda mamnunmiz... yakuniy qaror keyinroq qabul qilinadi," - dedi mutaxassis.

Qo'shimcha qilamizki, Reshford joriy mavsum yakuniga qadar ijara asosida "Barselona" safiga kelib qo'shildi.