"Barselona" kelasi yozda mudofaa markazini kuchaytirishni rejalashtirmoqda. "Ko'k-anorranglilar" rahbariyati jamoaga chap oyoqli markaziy himoyachi kerak deb hisoblamoqda va Dortmundning "Borussiya" klubidan Niko Shlotterbek ustuvor nomzod sifatida ko'rsatilgan, deb xabar beradi Sport. Muqobil variant - Lissabonning "Sporting" klubi vakili Gonsalu Inasiu. Yakuniy qaror moliyaviy holat va Andreas Kristensenning joriy mavsumdagi o'yiniga bog'liq bo'ladi.

Transfermarkt ekspertlari 25 yoshli Shlotterbekning narxini 40 mln evroga, 24 yoshli Inasiuning narxini esa 45 mln evroga baholamoqda.