Yakshanba kuni "Barselona" La Liga doirasida "Sevilya"ga yirik hisobda mag'lub bo'ldi (1:4).

Uchrashuv boshida mezbonlar penalti ishlab olishdi va bu Kataloniya grandi markaziy himoyachisi Ronald Arauxoning g'azabini qo'zg'atdi. Nuqtadan berilgan zarbani Aleksis Sanches golga aylantirdi. Tanaffusga kelib tabloda hisob 2:1 edi va urugvaylik futbolchi kiyinish xonasiga ketayotib, yana hissiyotlarini jilovlay olmadi: "Ular har doim bizga qarshi! Doim bizga qarshi," - deya futbolchining so'zlarini keltiradi Movistar.

Ma'lumot uchun, Arauxo tanaffusda Erik Garsiyaga almashtirildi, ammo "ko'k-anorranglilar"ga bu yordam bermadi: ikkinchi bo'limda "Sevilya" javobsiz ikkita gol urdi va yirik hisobda g'alaba qozondi.