Niderlandiya terma jamoasi bosh murabbiyi, «Barselona»ning sobiq ustozi Ronald Kuman La Liga uchrashuvining AQShda o'tkazilishini qo'llab-quvvatlamadi.Avvalroq UEFA istisno tariqasida «Barselona» va «Vilyarreal» jamoalariga La Liga doirasidagi bir uchrashuvni Mayamida o'tkazishga ruxsat bergan edi.«Bu kulgili holat. Frenki de Yong bu haqda juda to'g'ri gapirdi. “Vilyarreal”ga mehmon bo'lib borish har doim “Barselona” uchun og'ir bo'lgan, endi esa ular neytral maydonda o'ynaydi. Tribunalarda esa “Barselona” muxlislari “Vilyarreal” fanatlaridan ko'proq bo'ladi. Bu sport tamoyillariga zid», — dedi kataloniyalik klubning sobiq bosh murabbiyi Ronald Kuman.