Bir necha haftadan so'ng "el klasiko" bo'lib o'tadi. "Real" "Barselona"ni qabul qiladi. Kataloniya jamoasi himoyachisi Pau Kubarsi o'ziga qarshi o'ynashi mumkin bo'lgan Kilian Mbappe va Jud Bellingem haqida gapirdi.

"Ular ikkisi ham qiyin raqiblar. Mbappe juda harakatchan, bo'sh zonalarga yaxshi hujum qiladi va juda tezkor. Bellingemni oldindan aytish qiyin, chunki u ortdan, ikkinchi chiziqdan harakat qiladi. Mbappe tezligi va vaziyatni to'g'ridan-to'g'ri aniqlay olishi tufayli istalgan vaqtda gol urishi mumkin", - dedi Kubarsi AS nashriga.

Ispaniya La Ligasining "Real" - "Barselona" uchrashuvi 26 oktyabr, yakshanba kuni bo'lib o'tadi.