«Bavariya» yarim himoyachisi Filippe Koutinoning agenti Kia Jurabchian braziliyalik futbolchining kelajagi borasida o'z fikrini bildirib o'tdi. «Hali qaror qabul qilinmadi. Ushbu mavhum davrda biz transfer yoki kelajak uchun rejalarni muhokama qilmadik. Bunday qilmaymiz ham.Filippe Myunxenda baxtli. Unga jamoa yoqadi. Jamoadagi professionalizm yuqori darajada. Hozirda uning uchun eng muhimi — tezroq tiklanib olib, «Bavariya»ga yordam berish. Keyinchalik esa ko'ramiz, vaziyat qanday rivojlanar ekan», – dedi Jurabchian. "Sport1" jurnalisti Florian Plettenberg tarqatgan xabarga ko'ra, Koutino 3-4 haftadan keyin maydonga qaytadi. Futbolchi ham, «Bavariya» ham ikkinchi ijarani rasmiylashtirishni istamayapti.Myunxenliklar Filippening transferini faqat sotib olishlari mumkin. Barchasi «Barselona» talab qiladigan summaga bog'liq. «Bavariya» bosh murabbiyi Xans-Diter Flikga braziliyalik futbolchi kerak.