"Chelsi" "Barselona" yarim himoyachisi Fermin Lopesni sotib olish fikridan qaytgani yo'q.

"Ko'klar" o'tgan transfer oynasi yopilishidan oldin 22 yoshli futbolchini o'z tomoniga og'dirib olishga uringan, ammo muvaffaqiyatsizlikka uchragan - ispaniyalik ketishni istamagan, kataloniyaliklar ham hujumkor yarim himoyachini qo'yib yuborishni istamagan. Shunga qaramay, Fermin "Chelsi" e'tiboridan qolmayapti, deya xabar bermoqda jurnalist Fabritsio Romano. Londonliklar rahbariyati futbolchini keyingi yillarda ham kuzatib boradi va imkon bo'lsa, uni o'z safiga qo'shib olishga harakat qiladi.

Lopesning Transfermarkt saytidagi taxminiy narxi - 60 mln evro. Olimpiya chempionining "Barselona" bilan shartnomasi 2029 yilgacha mo'ljallangan.