"Barselona"dan ijaraga olingan "Monako" vingeri Ansu Fati joriy mavsumni ajoyib tarzda boshladi. 22 yoshli futbolchi to'rtta o'yinda besh marta raqiblar darvozasini ishg'ol qilgan. Transfer News Live’ning Fichajes nashriga tayanib xabar berishicha, ispaniyalikning Frantsiyadagi muvaffaqiyatlarini Madridning "Atletiko" klubi kuzatib bormoqda. "Matraschilar" futbolchini 2026 yilda sotib olish imkoniyatini ko'rib chiqmoqda.

Ansu Fatining "Barselona" bilan shartnomasi 2028 yilgacha mo'ljallangan. "Monako" "ko'k-anorranglilar" tarbiyalanuvchisini birinchi navbatda sotib olish huquqiga ega - bunday imkoniyat ijara shartnomasida ko'rsatilgan.