"Barselona" darvozaboni Joan Garsiya Madridning "Real" klubiga qarshi o'yingacha tiklanib ulgurmaydi.

Eng yaqin "klasiko" 26 oktyabr kuni La Liga doirasida "Santyago Bernabeu"da bo'lib o'tadi. Kataloniya klubi Garsiya asosiy o'yin oldidan meniskdagi jarohatni davolay olishiga umid qilgan edi, ammo bu ehtimoldan yiroq. Mundo Deportivo xabariga ko'ra, darvozabonning o'zi taxminan bir oydan keyin safga qaytishi mumkinligini aytgan.

Joan Garsiya "Barselona" safida ettita o'yinda maydonga tushib, beshta gol o'tkazib yuborishga ulgurdi. Iyun oyida "ko'k-anorranglilar" 24 yoshli ispaniyalikni "Espanol"dan 25 mln evroga sotib olgandi.

"Barselona" La Liga turnir jadvalida 19 ochko bilan 2-o'rinda bormoqda - "Real"dan ikki ochko ortda qolmoqda.