"Inter Mayami"ning urugvaylik hujumchisi Luis Suares ijtimoiy tarmoqda faoliyatidagi 600 ta golga erishganini nishonladi.

"Agar men buni orzu qilganman desam, yolg'on gapirgan bo'lardim. Faoliyatimda bunday natijaga erishaman deb o'ylamagan edim. Men o'ynagan barcha klublar, terma jamoa, jamoadoshlarim, murabbiylarim, texnik xodimlarim, oilam va muxlislarimdan minnatdorman. Bu yutuqning bir qismi sizsiz. Ijtimoiy tarmoqlarda har doim yangi bob bor" - deb yozdi Suares.

Suares "Inter Mayami" safida 42 ta gol urgan. Uning boshqa jamoalar safida o'ynagan statistikasi quyidagicha: "Barselona" tarkibida 198, "Ayaks"da 111, "Liverpul"da 82, Urugvay terma jamoasida 69, "Atletiko" tarkibida 34, "Gremio" tarkibida 29, "Nasonal" tarkibida 20 va "Groningen" tarkibida 15 gol.