"Barselona" vingeri Lamin Yamal xalqaro tanaffus yakuniga qadar jarohatini davolashga ulgurishi kutilmoqda.

Avvalroq, 18 yoshli futbolchi katta ehtimol bilan "Jirona"ga qarshi o'yinni o'tkazib yuborishi taxmin qilingandi, ammo endi ispan OAVlari ijobiy prognozlar bilan bo'lishmoqda: taniqli jurnalist Xavi Migelning ma'lumotiga ko'ra, Yamal Kataloniya derbisida ishtirok etishi mumkin. Yosh yulduzning tiklanishi yaxshi o'tmoqda. Bundan tashqari, Rafinya Dias va Fermin Lopes ham tarkibga kiritiladi, deya xabar bermoqda manba.

"Barselona"ning "Jirona"ga qarshi uchrashuvi 18 oktyabr, shanba kuni bo'lib o'tadi. Bellashuv Toshkent vaqti bilan 19:15 da start olishi rejalashtirilgan.