Ispaniya qirolligi futbol federatsiyasi matbuot xizmati xabariga ko'ra, 25 yoshli futbolchi Gruziya bilan o'yindan keyin mushaklarida noqulaylik sezgan. Tibbiy tekshiruvda Torresning mushaklari zo'riqishi aniqlangan, shu sabab u Bolgariyaga qarshi o'yinda "qizil furiya" tarkibiga kiritilmagan. Torres tez orada "Barselona" ixtiyoriga qaytib, jarohatidan tiklanishni boshlaydi.

Eslatib o'tamiz, Ferran Torres Gruziyaga qarshi o'yinda to'liq 90 daqiqa o'ynadi, ammo gol urolmadi. Yakunda Ispaniya 2:0 hisobida g'alaba qozondi.