"Barselona"ning niderlandiyalik yarim himoyachisi Frenki de Yong klub bilan qachon yangi mehnat shartnomasini imzolashi ma'lum bo'ldi.

Insayder Fabritsio Romanoning ta'kidlashicha, "Barselona" de Yong bilan yangi shartnomaning barcha shartlari kelishib olinganini rasman tasdiqlagan. Barcha hujjatlarni imzolash ertaga bo'lib o'tadi. Shartnoma 2029 yil iyun oyigacha mo'ljallangan.

Joriy mavsumda 28 yoshli de Yong barcha musobaqalarda 8ta o'yinda maydonga tushib, 1ta assist muallifiga aylandi.

"Barselona"ning navbatdagi o'yini 18 oktyabr kuni bo'lib o'tadi. Shu kuni Hans-Diter Flik shogirdlari "Jirona"ni qabul qiladi.