Angliya terma jamoasi bosh murabbiyi Tomas Tuxel "Barselona" hujumchisi Markus Reshfordning istiqbollari haqida fikr bildirdi.

"Gap iste'dodda emas, gap uning klub va xalqaro miqyosda o'zini ko'rsata olishida. Uning salohiyati juda, juda yuqori deb o'ylayman. Ehtimol, boshqalarnikidan balandroqdir," - dedi Tuxel matbuot anjumanida.

Mutaxassisning fikricha, Reshford dunyoning eng yaxshilaridan biri bo'lishga qodir, chunki u futbolchining mashg'ulotlardagi ishini ko'radi.

Yozda Reshford ijara asosida "Manchester Yunayted"dan "Barselona"ga o'tgan edi. U kataloniyaliklar safida o'nta uchrashuvda uchta gol urdi va beshta golli uzatmani amalga oshirdi.