"Barselona" yarim himoyachisi Frenki de Yong etakchilik haqida fikr yuritdi.

Kuni kecha 28 yoshli futbolchi Kataloniya grandi bilan shartnomasini uzaytirdi - yangi kelishuv 2029 yilgacha mo'ljallangan.

"Odamlar ko'pincha kuchli xarakterni baqir-chaqir, g'azab yoki dramatik imo-ishoralar bilan adashtirishadi. Men uchun haqiqiy xarakter - bu o'z qadriyatlariga sodiqlik, halollik, jamoadoshlariga yordam bera olish qobiliyati. Lider bo'lish uchun baqirish shart emas. Aslida ko'p baqirib yuborsangiz, odamlar sizni eshitmay qo'yishadi. O'rni kelganda gapira olish juda muhim," - deya de Yongning so'zlarini keltiradi Barca Times.

Niderlandiyalik futbolchi 2019 yildan buyon "Barselona" sharafini himoya qilib kelmoqda.