Shanba kuni "Barselona" skautlari Frantsiya chempionati 8-turidan o'rin olgan "Gavr"ga qarshi uy uchrashuvida "Marsel" qanot hujumchisi Meyson Grinvudning o'yinini kuzatishdi. O'sha uchrashuv maydon egalarining 6:2 hisobidagi yirik g'alabasi bilan yakunlandi. Grinvud poker muallifiga aylandi.

TBR Football xabariga ko'ra, 24 yoshli futbolchi o'z o'yini bilan "Barselona"da katta taassurot qoldirgan. U "Xetafe"da ijarada o'ynab yurgan kezlaridayoq kataloniyaliklar e'tiboriga tushgan va klub o'tgan yili ham uni taklif qilish imkoniyatini ko'rib chiqqandi.

Joriy mavsumda Grinvud barcha musobaqalarda 10 ta uchrashuvda maydonga tushib, 7 marta raqiblar darvozasini ishg'ol qildi va 4 ta assistni o'z hisobiga yozdirib qo'ydi.