Portugaliyaning "Sporting" klubi "Barselona" qiziqish bildirayotgan markaziy himoyachi Gonsalu Inasiuni tarkibda saqlab qolmoqchi.

Sport.es nashrining ta'kidlashicha, "Barselona"ning qiziqishini so'ndirish uchun "Sporting" 24 yoshli futbolchiga 2030 yilgacha mo'ljallangan yangi shartnoma taklif qilishga tayyor. Manbaga ko'ra, yangi shartnoma 80 million evro miqdoridagi tovon pulini o'z ichiga oladi.

Joriy mavsumda Inasiu barcha turnirlarni hisobga olgan holda 11 ta o'yinda maydonga tushdi va o'z hisobiga 2 ta golli uzatmani yozdirib qo'ydi.

Transfermarkt portali ma'lumotlariga ko'ra, futbolchining narxi 45 million evroni tashkil etadi.