“Barselona” hujumchisi Robert Levandovski faoliyatini Saudiya Arabistoni Proligasida davom ettirishi mumkin. Bu haqda Fichajes nashri xabar berdi.Manbaga ko'ra, 35 yoshli polshalik futbolchiga Riyodning “An-Nasr” klubi jiddiy qiziqish bildirmoqda. Jamoa sardori Krishtianu Ronalduning shaxsan o'zi klub rahbariyatidan Levandovskini transfer qilishni so'ragani aytilmoqda.“Barselona” rahbariyati hujumchi bilan yangi shartnoma imzolashni rejalashtirmayotgani sabab, futbolchining jamoadan ketish ehtimoli yuqori. Sabablardan biri — uning yuqori maoshi. Shuningdek, futbolchining yoshi, past samaradorligi va raqibga bosim o'tkaza olish qobiliyatining susaygani ham sabab bo'lgan.Mazkur transfer 2026 yil yozida amalga oshishi mumkinligi aytilmoqda. Biroq yaxshi taklif tushsa, “Barselona” qishki transfer oynasidayoq uni sotib yuborishi mumkin.Ma'lumot uchun, Levandovski 2022-yilning yozida Kataloniya klubi safiga qo'shilgan edi. Uning “Barselona” bilan shartnomasi 2026 yil yozigacha amal qiladi. Hujumchi joriy mavsum jami 9 ta o'yinda maydonga tushib, o'z hisobiga 4 ta gol yozdirib qo'ygan. Transfermarkt portali futbolchining narxini 10 million evroga baholamoqda.