Madridning «Real» klubi Shimoliy va Markaziy Amerika hamda Karib havzasi mamlakatlari futbol konfederatsiyasi — KONKAKAFga Ispaniya Primerasining 17-turidan o'rin olgan «Vilyarreal» — «Barselona» uchrashuvini o'z hududida o'tkazmaslik haqida rasman murojaat qildi, deb xabar bermoqda Cadena SER.Madridliklar fikricha, Ispaniyadan tashqarida o'yin o'tkazish musobaqaning adolat printsipini buzadi.Bundan avval «Real» Ispaniya Milliy sport kengashiga (CSD) ushbu bahsni o'tkazmaslik bo'yicha ikkinchi marotaba shikoyat yo'llagan edi. Birinchi shikoyat esa byurokratik kechikishlar sababli ikki oydan beri ko'rib chiqilmoqda.