"Barselona"ning hujumchi Robert Levandovskiga uzoq muddatli o'rinbosar topish borasidagi umidlari to'lanmagan transfer qarzi tufayli xavf ostida qolishi mumkin. Bu haqda Daily Mail xabar bermoqda.

Avvalroq, "Barselona" transferlar uchun klublardan 159 million evro atrofida qarzdor ekani haqida xabarlar tarqalgan edi. Shu bilan birga, klub deyarli barcha summani joriy mavsum oxirigacha to'lashi kerakligi ta'kidlangan. Manbaga ko'ra, bu kataloniyaliklarning moliyaviy ahvoliga jiddiy bosim o'tkazadi, shu sababli yangi qimmatbaho forvard sotib olish oson bo'lmaydi.

Avvalroq, "Barselona" "Atletiko"ni tark etmoqchi bo'lgan hujumchi Xulian Alvaresning holatini kuzatib borayotgani haqida xabarlar tarqalgan edi.