"Barselona"da hozircha vinger Rafinya Dias Madridning "Real" klubiga qarshi asosiy tarkibda o'ynashga tayyormi yoki yo'qligi hal qilinmadi. Braziliyalik futbolchi jarohati sabab so'nggi 5ta o'yinni o'tkazib yubordi, ammo yakshanba kungi "klasiko"ga qadar tiklanishga ulguradi.

Diario Sport xabariga ko'ra, "Barsa"da ba'zi xavotirlar saqlanib qolmoqda, ammo klubdagilar futbolchi asosiy tarkibda maydonga tusha olishini tushunishadi. "Ko'k-anorranglilar" murabbiylar shtabida yulduzning sog'lig'ini xavf ostiga qo'yishni istashmaydi, shuning uchun ular shoshilishmaydi.

"Real" - "Barselona" uchrashuvi Toshkent vaqti bilan 20:15da boshlanadi. "Qaymoqranglilar" kataloniyaliklarni ikki ochkoga ortda qoldirib, peshqadam bo'lib turibdi.