"Barselona" prezidenti Joan Laporta Ispaniya chempionatining 10-turidan o'rin olgan "Real"ga qarshi o'yinda klub bosh murabbiyi Xans-Diter Flik jamoani qanday boshqarishini aytib o'tdi.Eslatib o'tamiz, Flik avvalgi o'yinda maydondan chetlatilgani uchun "el-klasiko"ni o'tkazib yuboradi.«Flik jamoa yonida bo'lolmasligini yaxshi biladi, ammo u jamoa bilan doimiy aloqada bo'ladi. U va Markus Zorg yaqin hamkorlikda ishlayapti, ikkalasi ham jamoadan maksimal natija olishga qat'iy bel bog'lagan», — dedi «Barselona» prezidenti Joan Laporta.«Klasiko» har doim eng hissiy va qattiq to'qnashuv bo'ladi. Futbolchilar o'zlaridan borini berishni xohlashadi. Ayrim futbolchilar yo'qligiga qaramasdan, agar diqqat va kontsentratsiyani yo'qotmasak, o'tgan yildagi kabi g'alaba uchun haqiqiy imkoniyatimiz bor».“Bernabeu”da jamoa g'alaba qozonayotganini ko'rib stadionda o'tirish — bu o'ziga xos hissiyot. Men bu tuyg'ini Ronaldino va Messi davrida ham, o'tgan mavsumda ham his qilganman. Tars tortilgan asablar, bosim, goldan keyingi quvonch — bu unutilmas lahzalar».«Hissiyotlarni nazorat qilish kerak, ammo agar g'alaba qozonsak, bu sof baxt bo'ladi. Kimdir bu faqat navbatdagi o'yin deyishi mumkin, ammo bu hech qachon shunday bo'lmaydi — bu “klasiko”. Butun dunyo kuzatadi, g'alaba esa g'urur va motivatsiyani oshiradi».«Biz birinchi o'rin uchun kurashyapmiz, bu esa qo'shimcha ruhlantiruvchi omil. Aytmoqchimanki, kecha jamoa bilan mashg'ulotdan keyin birga tushlik qildim va ularning kayfiyati yuqori, jamoaning fikri to'liq “klasiko”ga jamlanganini ko'rdim».«La Liga o'yinni Mayamidan o'tkazmaslik haqida qaror qabul qildi — biz bu qarorga hurmat bilan yondoshamiz, ammo men rozi emasman. U erda o'ynash Ispaniya futboli uchun jahon miqyosida katta imkoniyat bo'lardi. Biz SoFi kabi stadionlarda o'ynaganmiz, bu esa liga uchun ajoyib targ'ibot bo'lardi», — dedi Laporta.