“Real Madrid” yarimhimoyachisi Jud Bellingem Ispaniya Primerasining 10-turidan o'rin olgan “Barselona”ga qarshi o'yin oldidan fikrlarini bildirdi. Ushbu bellashuv 26 oktyabr, yakshanba kuni “Santyago Bernabeu”da bo'lib o'tadi.“Fikrimcha, hamma biladi — bunday uchrashuvlardagi gollar va g'alabalarning ahamiyati boshqacha. Ular seni mavsumning qolgan qismi uchun emotsional va ruhiy jihatdan tayyorlaydi. Asosiy raqibing ustidan g'alaba qozonish, chempionlik uchun kurashda ishonch bag'ishlaydi va yaxshi mavsum o'tkazishga turtki beradi.Juda muhim jihat — o'yinni, vaziyatni, hissiyotlarni va hal qiluvchi bo'lishi mumkin bo'lgan ayrim detallarni nazorat qilish. Asosiysi — 90 daqiqa davomida ruhiy barqarorlikni saqlab qolish. Biz raqib qanday o'ynashini va o'zimiz qanday o'ynashni xohlashimizni yaxshi bilamiz. Shu bois, boshqa barcha narsani — asabni, bosimni, atmosferani to'g'ri nazorat qilish kerak. Aynan shu detallar hal qiluvchi ahamiyat kasb etishi mumkin”, — dedi Bellingem klubning rasmiy saytiga bergan intervyusida.9 turdan so'ng “Real” 24 ochko bilan Primerada peshqadamlik qilmoqda. “Barselona” esa 22 ochko bilan ikkinchi o'rinda bormoqda.