Markus Zorgning fikricha, klasikoda "Barselona" va "Real"ning imkoniyatlari teng.

Bugun kataloniyaliklar La Liganing 10-turida "Real" mehmoni bo'ladi. "Barselona" bosh murabbiyi Xans-Diter Flik diskvalifikatsiya tufayli o'yinni o'tkazib yuboradi.

"Bunday o'yinlar har doim 50 ga 50. Kim yaxshiroq o'ynasa, o'sha yutadi, hammasi oddiy.

Biz hammasini to'g'ri qilishimiz, pressing qilishimiz va yuqori darajada o'ynashimiz kerak. Agar biz nimanidir o'zgartirsak, tuzilmamizni yo'qotamiz va bu bizga yordam bermaydi.

Bizga doim Xansi etishmaydi, u yonimizda bo'lmaganda. Bu jamoaning eng muhim qismi. Nima qilishimiz kerakligini hammamiz bilamiz.

Rafinya o'ynamaydi, lekin bizda etarlicha futbolchilar bor. Ferranni maydonga tushirishga harakat qilamiz", - dedi "Barselona" bosh murabbiyi yordamchisi.