Madridning «Real» klubi hujumchisi Vinisius Junior Ispaniya chempionatining 10-turidan o'rin olgan «el-klasiko» — «Barselona»ga qarshi bahsdan keyin Lamin Yamal bilan og'zaki tortishuvga kirishgan. Bellashuv 2:1 hisobi bilan «Real» foydasiga yakunlangan edi.Uchrashuvdan so'ng Yamal maydonni tark etar ekan, Vinisius unga yaqinlashib shunday degan:«Sen faqat orqaga pas bersan! Ko'p gapirasan. Ha, endi gapir-gapir!»Bu so'zlarini Yahoo Sports nashri keltirdi.Hozirgi vaqtda «Real» 10 ta uchrashuvdan keyin 27 ochko bilan La Liga peshqadami bo'lib turibdi. «Barselona» esa 22 ochko bilan ikkinchi o'rinda. Shu tariqa, Xabi Alonso shogirdlari Ispaniya chempionatidagi asosiy raqibidan 5 ochkoga ilgarilab ketishdi.