"Barselona" yarimhimoyachisi Gavi "el-klasiko"da "Real"ga (1:2) mag'lub bo'lgan jamoadoshlarini qo'llab-quvvatladi.

21 yoshli futbolchining o'zi o'yinda qatnasha olmadi - u tizzasidan olgan jarohatidan tiklanishda davom etmoqda.

"O'limgacha doim siz bilan," - deb yozdi xavbek ijtimoiy tarmoqdagi sahifasida "Barsa"ning "Santyago Bernabeu"dagi o'yindan olingan jamoaviy suratini ilova qilib.

Kataloniyaliklar safidagi yagona gol 38-daqiqada Fermin Lopes tomonidan kiritildi. Uchrashuvning 22- va 43-daqiqalarida Kilian Mbappe hamda Jud Bellingemning aniq zarbalari "Real"ga g'alaba keltirdi.