"Tottenxem" forvardi Dominik Solanke qishki transferlar oynasida jamoani tark etishi mumkin. Bu haqda Football Insider nashri xabar bermoqda.

Manbaga ko'ra, "shporlar" bosh murabbiyi Tomas Frank 28 yoshli hujumchining o'yinlaridan xursand emas, shu sababli u yanvar oyidayoq sotib yuborilishi mumkin. "Tottenxem" qishda yangi to'purarni o'z safiga qo'shib olmoqchi, biroq klubdagilar buni amalga oshirish oson bo'lmasligini tushunishmoqda. Yanvar oyi yirik bitimlar tuzish uchun murakkab davr hisoblanadi.

Joriy mavsumda Solanke barcha musobaqalarda atigi uchta o'yinda maydonga tushdi va golli harakat qilmadi. "Tottenxem" futbolchining narxini taxminan 69 million evroga baholamoqda.