Shomurodov APLda qaysi klubga qiziqqani ma’lum
Ayni paytda O‘zbekiston milliy terma jamoasi va "Rostov" klubi hujumchisi Eldor Shomurodov mavzuga aylangani bor gap. Mavsum boshlanganidan beri hamyurtimiz barchaning e’tiborida.
SPORTS.ru saytida Eldor Shomurodovga oid katta material chop etildi. Unda Shomurodov Angliyada o‘zi yaxshi ko‘radigan klub formasida tasvirlangan. U bolaligidan "Chelsi" formalarini kiyib yurgan va shu jamoa hujumchilari Torres va Drogbaga qiziqqani borasida gapirgan. Shu bois possiyalik hamkasblarimiz Eldorni "Chelsi" formasida tasvirlashdi.