"Barselona"ning 17 yoshli hujumkor yarim himoyachisi Dro Fernandes faoliyatini Angliya Premer-ligasida davom ettirishi mumkin. Bu haqda jurnalist Alan Nikson ma'lum qildi.

Manbaning ta'kidlashicha, Fernandesning xizmatlariga "Vest Xem" qiziqish bildirmoqda. London klubi ispaniyalik iqtidor egasining "Barselona" asosiy jamoasidagi muvaffaqiyatli debyuti fonida uning narxi oshib ketguniga qadar o'zi uchun foydali bitim tuzmoqchi.

Kataloniyaliklar tarkibida Dro Fernandes ikkita o'yinda maydonga tushib, bitta golli uzatmani amalga oshirdi.

Yarim himoyachining "Barselona" bilan mehnat shartnomasi 2027 yilgacha mo'ljallangan. Transfermarkt portali mutaxassislari futbolchining narxini besh million evroga baholamoqda.