Germaniyalik darvozabon Mark-Andre ter Shtegen yaqin vaqtlar ichida Kataloniyaning "Barselona" klubini tark etishi mumkin. Bu haqda jurnalist Sasha Tavoleri xabar bermoqda.

Manbaga ko'ra, 33 yoshli darvozabonga hamon Londonning "Chelsi" klubi qiziqish bildirmoqda. Futbolchining o'zi "ko'k-anorranglilar"ning asosiy tarkibidagi o'rnini yo'qotib qo'ygani uchun klubini o'zgartirishga tayyor. U 2026 yilgi jahon chempionati oldidan doimiy ravishda o'yin amaliyotiga ega bo'lmoqchi.

Ter Shtegenning bozor narxi sakkiz million evroga baholanmoqda. Darvozabonning "Barselona" bilan shartnomasi 2028 yilning yarmigacha mo'ljallangan.