"Barselona" bosh murabbiyi Xans-Diter Flik himoyachi Pau Kubarsining formasi haqidagi savolga javob qaytardi.

"U necha yoshda? U 18 yoshda, shuning uchun u har doim ham eng yaxshi holatda emasligi normal holat. Menimcha, u ikki mavsumdan beri yuqori saviyada o'ynamoqda. Men juda xursandman. Agar u eng yaxshi holatda bo'lmasa, biz u va boshqalar bilan ishlashimiz kerak", - dedi Flik Barca Universal bilan suhbatda.

Kubarsi joriy mavsumda barcha musobaqalarda o'nta o'yinda maydonga tushdi. Ertaga, 2 noyabr kuni “Barselona” Ispaniya La Ligasining 11-turi doirasida “Elche”ni qabul qiladi.