«Barselona» yarim himoyachisi Mark Kasado jamoaning «Elche»ga qarshi 3:1 hisobidagi g'alabasidan so'ng jamoa o'yini haqida fikr bildirdi.

Yakshanba kuni «ko'k-anorranglilar» La Liganing 11-turida g'alaba qozondi — gollar Lamin Yamal, Ferran Torres va Markus Reshford hisobiga yozildi.

«Bizda hali ishlanadigan jihatlar ko'p. Ikkinchi bo'limda o'yinning ayrim jihatlarini yaxshiroq nazorat qilishimiz kerak edi. “Elche” ko'p bo'sh joy qoldirdi va biz bu imkoniyatlardan foydalandik, vaziyatlar yaratdik. Oxirgi 10–15 daqiqa yomon bo'lmadi, ammo biz yanada rivojlanishimiz lozim», — dedi Kasado matbuotga bergan intervyusida.

Eslatib o'tamiz, Xans-Diter Flik jamoasi chorshanba kuni Chempionlar ligasida Belgiyaning «Bryugge» klubiga qarshi bahs olib boradi.