Entso Mareska Koul Palmerning tiklanish jarayoniga izoh berdi.

Yarim himoyachi 20 sentyabrdan buyon chov sohasi bilan bog'liq muammolar tufayli maydonga tushmayapti. "Chelsi" bosh murabbiyidan Angliya terma jamoasi futbolchisini Chempionlar ligasi doirasida "Barselona"ga qarshi o'yinda (25 noyabr) ko'rish imkoniyati bor-yo'qligi so'raldi.

"Biz shunga umid qilamiz. Ammo hozir Koul jamoa bilan umuman ishlamaguncha bu borada biror fikr bildirish qiyin.

Rostini aytsam, men Koul ertagayoq paydo bo'lishini istardim. Uning ertaroq qaytishini istardim. Men u bilan kuchliroq ekanligimizni ko'p marta aytganman. Afsuski, u jarohat olgan, ammo biz uni tezroq ko'rishni istaymiz," - dedi Mareska.