"Barselona" yarim himoyachisi Frenki de Yong Chempionlar ligasi doirasida "Bryugge"ga (3:3) qarshi o'yindan keyin Lamin Yamal haqida gapirdi. Yamal kiritilgan gollardan biriga mualliflik qildi.

"Yamal o'zini yaxshi ko'rsatdi. U yaxshi futbolchi, o'ziga xos. U har doim ajralib tura oladi. Balki qaysidir o'yinni boshqasiga nisbatan yaxshiroq o'tkazar. Agar u ishlashda davom etsa, unda xavotirga o'rin yo'q," - dedi de Yong Movistar’ga.

Endi "Barselona" Ispaniya chempionatida "Selta" mehmoni bo'ladigan o'yinga tayyorgarlik ko'radi. O'yin 9 noyabr, yakshanba kuni bo'lib o'tadi. Hozirda kataloniyaliklar peshqadam "Real"dan 5 ochko ortda qolmoqda.