"Manchester Yunayted" bosh murabbiyi Ruben Amorim "Benfika" ustozi Joze Mourino haqida fikr bildirdi.

"Men ko'plab murabbiylardan o'rganganman, ammo Mourino men uchun o'rnak bo'lgan. U nafaqat portugallar, balki butun dunyo uchun etalon hisoblanadi. Faoliyati davomida u har doim g'alaba qozongan. Ayniqsa, boshida. Joze hamisha muomalasi bilan boshqalardan ajralib turardi, esimda, bu erda, Angliyada unga bu juda yoqardi. Qizig'i shundaki, biz u bilan mamlakat va klublarimizni almashtirgandek bo'ldik. Men uchun u namuna, ba'zida u bilan xabar almashaman", - deya Amorimning so'zlarini keltiradi TNT Sports.

Joze Mourino "Benfika"ni 2025 yilning sentyabrida qabul qilib olgandi. Uning qo'l ostida klub 11 o'yindan keyin 25 ochko jamg'arib, Portugaliya chempionatida uchinchi o'rinda bormoqda.