Ispaniyada "Barselona" vingeri Rafinyaning holati haqida yangi ma'lumotlar paydo bo'ldi. Mundo Deportivo nashri tarqatgan xabarga ko'ra 28 yoshli braziliyalik futbolchi tiklanishning so'nggi bosqichiga chiqmoqda. Shu bilan birga, Rafinya hozircha individual dastur bo'yicha ishlashni davom ettirmoqda.

Avvalroq, "Barselona" bosh murabbiyi Xans-Diter Flik Rafinya keyingi o'yinda - 22 noyabr kuni "Atletik"ka qarshi o'yinda maydonga tushishi mumkinligi haqida gapirgandi.

Rafinya so'nggi bor "Barselona" safida 25 sentyabr kuni maydonga tushgandi. Shundan so'ng braziliyalik futbolchi Ispaniya chempionati va Chempionlar ligasida jami 9 ta o'yinni o'tkazib yubordi.