Lionel Messi kelajakda "Barselona"ga qaytishi mumkin. Ammo muhim nyuans bor - agar argentinalik o'z klubiga qaytadigan bo'lsa, ko'proq ma'muriy, sport sohasiga qaytadi.

Messi har qanday holatda ham "Barselona"ga futbolchi sifatida qaytish haqida o'ylamaydi - Leo uchun hayotdagi bu bob yopilgan. Bu haqda jurnalist Alfredo Martines ijtimoiy tarmoqlarda yozdi.

Avvalroq Messi Barselonaga qaytib yashashni istashi haqida gapirgandi. Yaqinda 38 yoshli futbolchi "Inter Mayami" bilan yangi shartnoma imzoladi - 2028 yil oxirigacha.

Xabaringiz bor Lionel Messi 2021 yilning yozida "Barselona"ni tark etgan edi. Kataloniya klubida moliyaviy vaziyat tufayli hujumchi bilan shartnomani uzaytirish imkoniyati bo'lmadi.