"Barselona" hujumchisi Ferran Torres jamoadoshi Lamin Yamal haqidagi savollarga javob berdi.

Kataloniyaliklar vingeri Ispaniya terma jamoasining noyabr oyidagi yig'inini pubalgiya tufayli o'tkazib yubormoqda. 18 yoshli futbolchi "qizil furiya" ixtiyorida bo'lmaganiga qaramay, jurnalistlar har bir matbuot anjumanida u haqida so'rashda davom etmoqda.

- Menga bergan birinchi savolingizning Yamal bilan bog'liq bo'lganiga ajablanmayman. Terma jamoaga kelgan barcha futbolchilar a'lo darajada tayyor. Shunga e'tibor qaratish kerak.

Lamin bu ahvolga tushganida unga nima maslahat bergan bo'lardim? Terapiya, sport zali. Shu xolos," - dedi Ferran Torres OAV bilan suhbatda.