"Barselona" yarim himoyachisi Pedri jamoaning sobiq murabbiylari haqida fikr bildirdi.

"Men doim Kumandan minnatdor bo'laman, chunki u menga debyut qilishga imkon berdi va meni tanimaganlarida menga ishondi. Xavi umidni qaytarishga yordam berdi va bizdan hech kim kutmagan paytda chempionlikni qo'lga kiritdik. Xavi - klub afsonasi, u yoshlarga juda ishonardi. Flik bilan yana bir qadam oldinga tashladik. Zarur bo'lganda qattiqqo'l, kulish vaqti kelganda esa bizni ko'p kuldiradi. Odatda u xotirjam, biroq uni g'azablantirmagan ma'qul," - deya Pedrining so'zlarini keltiradi BarcaTimes.

Joriy mavsumda 22 yoshli Pedri barcha turnirlar hisobida 13 ta o'yinda maydonga tushib, 2 ta gol urdi va 2 ta golli uzatmani o'z hisobiga yozdirib qo'ydi.