"Kristal Pelas" markaziy himoyachisi Mark Gexi "Barselona" ro'yxatida qolishda davom etmoqda. Bu ma'lumot Cadena SER tomonidan ulashiladi.

Manbaga ko'ra, kataloniyaliklar Gexining holatini diqqat bilan kuzatib bormoqda, biroq "Liverpul" hamon futbolchini qo'lga kiritish bo'yicha favorit hisoblanadi. Shu bilan birga, ta'kidlanishicha, "Barselona" bosh murabbiyi Xans-Diter Flik Gexini 2026 yil uchun ustuvor transfer maqsadi deb hisoblamoqda.

Bu mavsumda 25 yoshli himoyachi barcha musobaqalarda 18ta o'yinda maydonga tushib, 1ta gol urdi va 3ta golga hammualliflik qildi. Futbolchining "burgutlar" bilan amaldagi shartnomasi yaqin yozgacha mo'ljallangan.