"Barselona" prezidenti Joan Laporta jamoada "Manchester Siti" forvardi Erling Xolandni ko'rishni istamoqda, deb xabar berdi El Nacional.

Manbaga ko'ra, Laporta uni 2026 yilgi prezidentlik kampaniyasidan keyin sotib olmoqchi, bu uning uchun saylovlarda asosiy quroli bo'lishi mumkin. Futbolchining o'zi takliflarni ko'rib chiqishga tayyor va bunday variantni istisno qilmaydi.

Qayd etilishicha, Laporta "Barselona" prezidenti lavozimiga qaytganidan beri Xolandni o'z jamoasi safiga qo'shib olish haqida o'ylamoqda. Futbolchining shartnomasi 2034 yilgacha amal qiladi va unda hech qanday tovon puli bandi yo'q. Futbolchining maoshi bonuslar bilan birga yiliga taxminan 25 million evroni tashkil qiladi.

25 yoshli Xoland joriy mavsum "Man Siti" safida 19 ta o'yinda maydonga tushdi va 22 ta gol hamda 2 ta golli uzatmaga mualliflik qildi.