Lionel Messining "Barselona"ga futbolchi sifatida qaytishi dargumon, garchi bunday mish-mishlar vaqti-vaqti bilan matbuotda tarqalib tursa-da.

El Nacional nashri xabariga ko'ra, Kataloniya klubining marketing bo'yicha mutaxassislari hatto Messi bilan qancha pul ishlash mumkinligini ham hisoblab chiqishgan. Manba bergan xabarga ko'ra, "Barselona" Messining bir mavsumda 200 million evro ishlab olishini hisoblab chiqqan.

Sakkiz karra "Oltin to'p" sohibining tijorat qiymati shunday. Yaqinda Leo Messi "Kamp Nou" stadionidan tushgan surati bilan tomoshabinlarni lol qoldirdi. Shu yilning kuzida 38 yoshli argentinalik futbolchi "Inter Mayami" bilan shartnomasini 2028 yil oxirigacha uzaytirdi.