"Barselona"ning chap qanot himoyachisi Jerar Martin jamoaning tez orada "Kamp Nou"ga qaytishi haqida gapirdi.

"Ko'k-anorranglilar" 22 noyabr, shanba kuni yangilangan qadrdon stadionida ilk bor maydonga tushadi. Raqib Bilbaoning "Atletik" jamoasi bo'ladi.

"Men juda xursandman. "Barselona" uchun "Kamp Nou" nimani anglatishini hamma biladi. Men uchun bu ilk o'yinimni o'z stadionimizda o'tkazish imkoniyati.

Men odatdagi muhitni kutmoqdaman. Yoshligimda, "Barsa"ga o'tishdan oldin ham "Kamp Nou"ga muxlis sifatida borganman, endi u erda o'ynashim mumkin. Bu aql bovar qilmaydigan hissiyot bo'ladi", - deya Martinning so'zlarini keltiradi Managing Barca.