"Barselona" vingeri Lamin Yamal La Liganing o'tgan mavsumdagi eng yaxshi futbolchisi bo'lganiga munosabat bildirdi.

"Har bir individual mukofot bu jamoaning ajoyib mavsum o'tkazganidan dalolat. Bunday yoshda bu qadar ko'p mukofotlar olish, men uchun katta baxt va faxr. Men yana ko'proq yutuqlar uchun ishlashda davom etaman.

Muxlislar juda katta rol o'ynashadi. Biz o'z uyimiz bo'lmagan stadionda o'ynadik. "Monjuik" yaxshi edi, lekin bu biz xohlagan narsa emasdi. "Kamp Nou" esa bizga ulkan kuch beradi. Mavsumning qolgan qismi uchun juda katta yordam bo'ladi", - dedi 18 yoshli futbolchi.