Kataloniyaning "Barselona" klubi safida to'p tepayotgan braziliyalik vinger Rafinya Evropa Chempionlar Ligasi umumiy bosqichidan o'rin olgan o'zaro o'yin oldidan jamoadoshi Lamin Yamal va Londonning "Chelsi" klubi vingeri Estevaoga nisbatan o'z fikrlari bilan o'rtoqlashdi.

"Lamin va Estevao - aql bovar qilmaydigan darajadagi ikki futbolchi. Ular dunyoning eng yaxshi futbolchilari qatorida bo'ladi. Ular ulkan iste'dodga ega. Hozir hammasi ularning qo'lida. Ular to'g'ri yo'lda va jamoalar hamda terma jamoalarda o'z pozitsiyalarida eng yaxshi bo'lishlari mumkin," - deya braziliyalikning so'zlarini keltiradi Marca gazetasi.

"Chelsi" - "Barselona" uchrashuvi bugun, 25 noyabr kuni "Stemford Brij" stadionida bo'lib o'tadi.