"Barselona" prezidenti Joan Laporta Madridning "Real" klubi va La Liga rahbari Xaver Tebas o'rtasidagi munosabatlar haqida gapirdi.

"Qirollik klubi"da ko'pincha La Liga rahbariyati ochiqchasiga tanqid qilinadi, Tebasning o'zi esa bolaligidan "Real"ga muxlislik qilganini bir necha bor tan olgan.

"Tebas olijanob inson, u o'z ishi bilan yashaydi. La Liga bilan ziddiyatga borayotgan "Real"dan farqli o'laroq, bizda normal munosabatlar mavjud. "Real"dagilar Tebasni iste'foga chiqarish va uning o'rniga boshqa birovni tayinlash bilan ovora", - deya "Barselona" prezidentining so'zlarini keltiradi Managing Barca.

"Qaymoqranglilar" Ispaniya chempionatining 13-turidan keyin turnir jadvalida peshqadamlik qilmoqda. "Ko'k-anorranglilar" 1 ochko ortda qolib, 2-o'rinni egallab turibdi.