Avvalroq, "Barselona" qishda yoki kelasi yozda jamoaga yangi markaziy himoyachi olib kelmoqchi ekani haqida xabarlar tarqalgan edi.

Ayni paytda kataloniyaliklar "Manchester Yunayted"dan frantsiyalik markaziy himoyachi Leni Yoroni transfer qilish variantini ko'rib chiqayotgani ma'lum bo'ldi. Qayd etilishicha, Ispaniya grandi kelishuvga futbolchilar almashinuvi bandini ham kiritishga, xususan, "qizil iblislar"ga Ronald Arauxo nomzodini taklif qilishga tayyor.

Ingliz klubining 20 yoshli himoyachisi joriy mavsum 12 ta o'yinda maydonga tushdi va 1 ta golli uzatmani amalga oshirdi. Frantsuzning jamoa bilan shartnomasi 2029 yilgacha mo'ljallangan. Transfermarkt portali futbolchini 55 million evroga baholamoqda.