"Barselona"ning 18 yoshli vingeri Lamin Yamal bu yoshdagi mashhurligi haqidagi savolga javob berdi.

"Oddiy 18 yoshli yigit kabi o'zini tutish qiyin. Xohlagan taqdirimda ham uddalay olmasdim. Bolalar maktabdan uyga ketishyapti. Men esa yonimda suratkashlar bilan mashg'ulotlarga boraman, bolalar esa ko'chada mening futbolkalarimda yurishadi.

Oddiy odam sifatida restoranga borishni xohlardim, lekin ilojim yo'q, chunki meni doim to'xtatishadi. Bu normal holat, chunki men mashhurman.

Shuning uchun oddiy narsalar bilan shug'ullanishga harakat qilaman - onamnikiga, akamnikiga mehmonga boraman yoki videoo'yinlar o'ynayman", - dedi Lamin Yamal CBS telekanaliga bergan intervyusida.