Urugvaylik himoyachi Ronald Arauxo "Barselona"dan ketish uchun yangi da'vogarga aylandi. Futbolchining agentlari allaqachon Kataloniya klubi bazasiga etib kelishgan. Ular "ko'k-anorranglilar" rahbariyati bilan uchrashib, Arauxoning ketishini muhokama qilishni rejalashtirmoqda. Bu haqda jurnalist Juli Klaramunt o'z ijtimoiy tarmoqlarida ma'lum qildi.

Avvalroq, "Barselona" ustozi Xans-Diter Flik Ronaldning shaxsiy muammolari tufayli keyingi o'yinlarda maydonga tushmasligini aytgandi. Urugvaylik rahbariyatdan tanqidlar bo'ronidan keyin ruhiy tiklanishi uchun dam berishni so'ragan.